काठमाण्डौ
भदौ १३
प्रोस्टेट क्यान्सर रोग लागेका पूर्व राष्ट्रपति रामवरण यादवलाई अमेरिका गई उपचार गर्न लाग्ने सम्पूर्ण खर्च सरकारले व्यहोर्ने भएको छ । यादव केही साताभित्र उपचारका लागि अमेरिका जादै हुनुहुन्छ ।
उहाँलाई ६० लाख रुपैया अग्रिम भुक्तानी दिने र उपचारको सम्पूर्ण खर्च ब्यहोर्ने निर्णय मन्त्रीपरिषद्ले गत साता गरेको हो । त्यसबाहेक यादवलाइ दैनिक ३ सय डलर भत्ता, अमेरिका आउन जान विजनेश क्लासको हवाइ टिकटका साथै उहाँसंगै जाने ३ जना सहयोगीलाई हवाइ टिकट र प्रतिब्यक्ति दैनिक १ सय ५० डलर भत्ता दिने निर्णय सरकारले गरेको हो । भातरमा केही समयअघि परिक्षणका क्रममा यादवलाई प्रोस्टेट क्यान्सर भएको देखिएको थियो । पूर्व राष्ट्रपति यादवले त्यसको शल्यक्रियाका लागि अमेरिका जाने भन्दै सरकारसंग उपचार खर्च माग गर्नुभएको थियो । यसअघि भारतमा स्वास्थ्य परिक्षण गर्न जाँदा पनि सरकारले उहाँलाई १० लाख रुपैया दिएको थियो ।
