काठमाडौं । प्रतिनिधिसभा विघटनविरुद्ध परेका रिटहरुमा सर्वाेच्च अदालतकाे संवैधानिक इजलासमा आजबाट पुनः बहस सुरु हुँदैछ ।
संसद विघटनविरुद्ध परेका १३ वटा मुद्दामा माघ ४ गतेदेखि निरन्तर बहस हुँदै आएको थियाे । तर न्यायाधीश इन्द्रराज पाण्डेको निधनको शोकमा हिजाे एक दिन स्थगित गरिएको बहस आजबाट पुनः सुरु भएकाे हाे ।
अहिले प्रधानमन्त्रीका निजी कानून व्यवसायीले सरकारी निर्णयको प्रतिरक्षामा बहस चलिरहेको छ । त्यसअघि रिट निवेदकका तर्फबाट ७० जनाभन्दा बढीले बहस गरेका थिए ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा विघटन गरेकी थिइन् ।
प्रतिक्रिया
सम्बन्धित समाचार
