काठमाण्डौ
मंसिर २४
मधेसी मोर्चाले कार्यक्रम नगर्न चेतावनी दिएपछि आज र भोलि विरगञ्जमा हुने भनिएको नेकपा एमालको भेला स्थगित भएको छ । एमाले मुखपत्र नवयुगको वार्षिकोत्सवका अवसरमा आज र भोलि वीरगञ्जमा केन्द्रीय नेतासहित भेला आयोजना गरिएको थियो ।
एमालेका अनुसार कार्यक्रममा महासचिव इस्वर पोखरेल, सचिव योगेश भट्टराईलगायतका केन्द्रीय नेता सहभागी हुने बताइएको थियो भने नवयुगका ग्राहकलाई समेत निम्ता दिइएको थियो । तर मधेसी मोर्चाले कार्यक्रम नगर्न चेतावनी दिएपछि भेला स्थगित गरिएको बताइएको छ । एमाले प्रचार विभागका सदस्य अरविन्द सिंहका अनुसार केन्द्रमा राजनीतिक परिस्थिति जटिल भएकाले वीरगन्जको कार्यक्रम स्थगित गरिएको हो । तर मधेसी मोर्चाका स्थानीय नेताले भने आफुहरुले कार्यक्रम नगर्न भनेपछि एमालेले भेला स्थगित गरेको दाबी गरेका छन् ।
प्रतिक्रिया
सम्बन्धित समाचार
