काठमाण्डौ
असोज १७
नेकपा माओवादी केन्द्रका सांसद जनकराज जोशीले ‘विस्तारवाद’ र ‘साम्राज्यवाद’ भन्ने शव्द संसदको रेकर्डबाट हटाउन माग गर्नुभएको छ ।
आजको संसद बैठकमा बोल्दै सरकारको नेतृत्वकर्ता दल माओवादी केन्द्रका सांसद जोशीले ‘साम्राज्यवाद’ र ‘विस्तारवाद’ शब्द संसदको रेकर्डबाट हटाउन सभामुखको रुलिङ माग गर्नुभएको हो । उहाँले सीमा विवाद हुँदैनमा विस्तारबाद र साम्राज्यबाद भन्ने शव्द प्रयोग गर्नु संविधानको मूल मर्म विपरित हुने बताउनुभयो । सीमा विवाद हुँदैमा विस्तारबाद भन्न नमिल्ने भन्दै उहाँले सीमा विवाद अमेरिका र क्यानडा तथा चीन र भारतबीच पनि रहेको बताउनुभयो । जोशीले संविधानले नेपालको आफ्नै परराष्ट्र नीति रहने उल्लेख गरेको भएपनि नेताहरुले प्रायः ‘विस्तारबाद’ र ‘साम्राज्यवाद’ भन्ने शव्द प्रयोग संसदमा गर्नु संविधानविपरीत भएको बताउनुभयो ।
प्रतिक्रिया
सम्बन्धित समाचार
