काठमाण्डौ
मंसिर १४
ब्राजिलको एक स्थानिय फुटबल टोलीका खेलाडी सहित ८१ यात्रु सवार विमान दुर्घटना ग्रस्त भएको छ । ७२ जना यात्रु र चालक दलका ९ सदस्य गरी ८१ जना रहेको चार्टर विमान कोलम्बियामा दुर्घटनामा परेको हो ।
बोलिभियाबाट उडान भरेको विमान कोलम्बियाको मेडलिनको पहाडी क्षेत्रमा दुर्घटना ग्रस्त भएको हो । दुर्घटना स्थलबाट २५ जनाको शव फेला परेको छ भने ६ जनाको जिवितै उद्धार गरिएको बीबीसीले जनाएको छ । विमानमा ब्राजिलको फुटबल क्लब चापेकोएन्सेका खेलाडीहरु थिए । सो फुटबल क्लब साउथ अमेरिकन क्लब कप फाइनलका लागि कोलम्बिया मेडिलिनको क्लब एट्लेटिको नेस्नलसँग प्रतिस्पर्धा गर्नको लागि त्यहाँ प्रस्थान गरेको थियो । दुर्घटनापछि फाइनल खेल स्थगित गरिएको छ ।
प्रतिक्रिया
सम्बन्धित समाचार
