काठमाण्डौ
भदौ १८
भारतमा भोलिदेखि शुरु हुने दशौँ एसियाली क्याडेट तथा सत्रौं एसियाली जुनियर जुडो च्याम्पियनसिपमा भाग लिन २० सदस्यीय नेपाली टोली आज त्यसतर्फ प्रस्थान गरेको छ । नेपाली टोली आज बिहानै भारतको केरलास्थ्ति कोचातर्फ प्रस्थान गरेको हो ।
१२ खेलाडी सम्मिलित टोलीमा क्याडेटको पुरुष ५० केजीमुनी लक्ष्मण जिसी, ५५ केजीमुनी रोशनबहादुर दोङ र ६० केजीमुनी सन्जोग भट्ट तथा महिलामा ४८ केजीमुनी शारदाकुमारी खत्री र ५२ केजीमुनी मनिता श्रेष्ठ प्रधानले प्रतिस्पर्धा गर्नेछन् ।
यस्तै जुनियर पुरुषतर्फ ५५ केजीमुनीमा किरण गदेल, ६० केजीमुनी सुदेश दोङ र ६६ केजीमुनी रामभक्त तामाङ तथा महिला ६३ केजीमुनी फुपुलल्हामु खत्री, ७० केजीमुनी पुनम श्रेष्ठ, ५२ केजीमुनि अन्जु पाण्डे र ४८ केजीमुनी मनिष महर्जनले भाग लिने छन् । भारत जाने टोलीको प्रशिक्षकमा रमेश मगर र देविका खड्का तथा व्यवस्थापकमा धर्मरत्न पाछै र गायत्री बस्नेत छन् । प्रतियोगिता सेप्टेम्बर ११ सम्म चल्नेछ ।
