काठमाण्डौ
असोज १६
मकवानपुरको हेटौँडा १३ बेलडाँडामा आज बिहान यात्रुबाहक बस दुर्घटना हुँदा तीन जनाको मृत्यु भएको छ ।
हाँडीखोला २ मकरीबाट हेटौँडा आउँदै गरेको ना ४ ख ४३०७ नंबरको बस हेटौँडा १३ बेलडाँडामा दुर्घटनामा परेको हो । मृत्यु हुनेमा चार वर्षका प्रमिस लामिछाने तथा २५ वर्षका सुर्यबहादुर तामाङ रहेका छन् भने एक जनाको सनाखत हुन बाँकी रहेको प्रहरीले जनाएको छ ।
दुर्घटनामा घाईते भएका ५० भन्दा धेरै व्यक्तिलाई चुरे हिल अस्पताल हेटौँडामा ल्याइएको अस्पतालका डाक्टर सुन्दर श्रेष्ठले बताउनुभयो । एक सय भन्दा बढि यात्रु सवार ओरालो सडकमा बस पल्टिएको मकवानपुर प्रहरी प्रमुख मिरा चौधरीले बताउनुभयो । बसले च्यापिएका घाईतेहरुको उद्धार जारी रहेको चौधरीले बताउनुभयो ।
प्रतिक्रिया
सम्बन्धित समाचार
