काठमाण्डौ
मंसिर २९
लोक सेवा आयोगले राजपत्रांकित तृतीय श्रेणीको अप्राविधिक तर्फ शाखा अधिकृतको लिखित परीक्षाका लागि दरखास्त आह्वान गरेको छ । आयोगले आज सार्वजनीक सुचना जारी गर्दै संयुक्त तथा एकीकृत परीक्षा प्रणाली अन्तर्गत प्रतियोगितात्मक लिखित परीक्षाका लागि दखास्त आह्वान गरेको हो ।
सबै सेवामा खुला र समावेशी गरी पाँच सय चार शाखा अधिकृतका लागि दरखास्त आह्वान गरिएको छ । खुला तर्फ दुई सय ७४ तथा दुई सय ३० पद छन् । व्यवस्थापिका संसद, कानुन, न्याय, परराष्ट्र, सामान्य प्रशासन, लेखा, राजस्व, लेखापरीक्षण सेवामा दरखास्त आह्वान भएको हो ।
आउँदो पुष १९ गतेसम्म सामान्य र त्यसपछि पुष २६ गतेसम्म दोब्बर दस्तुरमा दरखास्त दिन सकिने आयोगले जनाएको छ । अनलाइन तथा आयोगका क्षेत्रीय कार्यालय, अञ्चल कार्यालय तथा जिल्ला हुलाक कार्यालयबाट निवेदन बुझाउन सकिने आयोजले सुचनामार्फत जनाएको छ ।
