काठमाण्डौ
असोज २२
दशैँ अवधिभरका लागि डा. गोविन्द केसीले आमरण अनसन स्थगित गर्नुभएको छ ।
चारबुँदे माग राख्दै आमरण अनसन बसेको १२ दिनपछि डा केसीले राती पत्रकार सम्मेलन गरेर अनसन स्थगीत गर्नुभएको हो । डा. केसीले आफ्नो अनशनले नेपाली जनताको दसैं खल्लो हुने भएकाले दसैं अवधीभर अनशन स्थगित गर्ने घोषणा गर्नुभएको हो ।
चारबुँदे माग राखेर अनसन सुरु गरेको उहाले दशैंको समयमा हाम्रो सत्याग्रह जारी राख्दा आम नागरिकहरुको दशैं पर्व खल्लो हुन सक्ने सम्भावनालाई रहेकोले सत्याग्रहको स्थगित गरेको बताउनुभयो । डा. केसीले अख्तियार प्रमुख लोकमान सिंह कार्कीलाई महाअभियोग लगाउनु पर्नेसहितका चारबुँदे माग राखेर असोज १० गते अनसन सुुरु गर्नुभएको थियो । यो बीचमा सरकार र डा. केसीका प्रतिनिधिबीच केही अनौपचारिक सम्वादहरु भएपनि सहमति भने हुन सकेको थिएन ।
प्रतिक्रिया
सम्बन्धित समाचार
