नेविसंघको झडपमा तीन पत्रकार घाइते, प्रहरीले क्यामेरा फुटाइदियो


  • हरेक न्यूज
  • प्रकाशित मिति : वि.सं.२०७३ साउन ३० आइतवार ०३:३४ बजे

नेविसंघको झडपमा तीन पत्रकार घाइते, प्रहरीले क्यामेरा फुटाइदियो

३० साउन, काठमाडौं । नेवि संघको प्रतिनिधि विवादका कारण नेपाली कांग्रेसको कार्यालय सानेपामा भएको झडपमा तीन पत्रकार घाइते भएका छन् ।

पत्रकार चन्द्र बहादुर आले

पत्रकार चन्द्र बहादुर आले

घाइते हुनेमा फोटो पत्रकार चन्द्र आले, नागरिक दैनिकका प्रतिक रायमाझी र एभिन्युजका पत्रकार किशोर चौधरी घाइते भएका छन् । प्रहरीले झडपको तस्बिर र भिडियो खिचेको भन्दै आले र चौधरीको क्यामेरासमेत फुटाइदिएका छन् ।

साथै उनीहरुमाथि कुटपिट गरेको छ । फोटो पत्रकार क्लब नेपालले राज्यले नै चौथो अंगको दर्जा दिएको प्रेसमाथि राज्यबाटै आक्रमण भएको भन्दै निन्दा गरेको छ । फोटो-भिडियो खिचेकै भरमा पत्रकारमाथि कुटपिट गर्नु, क्यामेरा फुटाउनु निन्दनीय अपराध हो, उसले भनेको छ, कुटपिट गर्ने प्रहरीलाई कानुनी दायरामा ल्याएर कारबाही गर्न सरकारसँग फोटो पत्रकार क्लब नेपाल जोडदार माग गर्दछ । साथै घाइते पत्रकारको उपचार र उचित क्षतिपूर्तिको मागसमेत गर्दछ ।’


प्रतिक्रिया

सम्बन्धित समाचार
ताजा अपडेट