सातौँ स्थानका लागि नेपाली टोली मैदानमा

काठमाण्डौ,३ चैत्र ।

जिम्बाम्बेमा जारी आईसीसी विश्वकप छनोटको सातौं स्थानका लागि हुने प्लेअफुमा नेपाल शनिबार नेदरल्याण्डसँग अन्तिम खेल खेल्दैछ।

एकदिवसीय मान्यता पाएपछि नेपाली टोली उत्साहित छ भने प्रतियोगितामा खराब लयमा देखिएको नेदरल्याण्ड्स सुपर सिक्समा पुग्न नसकेपछि सातौ स्थानका लागि खेल्नु परेको छ । क्वेक्वेस्थित क्वेक्वे स्पोर्ट्स क्लबको मैदानमा हुने खेलमा नेपालले झन्डै दुई वर्षपछि नेदरल्याण्डविरुद्ध प्रतिस्पर्धा गर्न लागेको हो।
पपुवा न्यूगिनीसँग जित हात पारेको नेदरल्याण्ड नेपाललाई हराउँदै आफू उत्कृष्ट भएको प्रमाणित गर्न चाहन्छ। भने प्लेअफ खेलमा पपुवा न्यूगिनीलाई ६ विकेटले पराजित गरेको नेपाल नेदरल्याण्डलाई हराएर आफू एक दिवसीयका लागि तयार रहेको जनाउ दिने तयारीमा छ। नेपाल र नेदरल्याण्डबीच धेरैपटक प्रतिस्पर्धा भएको छैन्। पछिल्लो पटक विश्व क्रिकेट लिग च्याम्पियनसिपका दौरान २०१६ को अक्टोबरमा एक अर्काविरुद्ध भिडेका यी दुई टिममा पहिलो खेलमा नेपालले १९ रनले जित निकाल्दा दोस्रो खेलमा नेदरल्याण्डले ७ विकेटले नेवाललार्इ पराजित गरेको थियो । नेपाल र नेदरल्याण्ड दुवैले ४ वर्षको लागि एकदिवसीय मान्यता पाइसके पनि दुवै बीचको खेल लिस्ट ‘ए’ नै हुनेछ। छनोट प्रतियोगिता पछि मात्रै दुवै देशको खेलले एकदिवसीय मान्यता पाउनेछ।
त्यसअघि भएका दुई खेलमा एक–एक नतिजा आफ्नो पक्षमा पारेका छन्। त्यसैले दुवैका लागि पछिल्ला दुई वर्षमा यो पहिलो भिडन्त भएकाले दुवै टिम एकअर्काविरुद्ध नयाँ टिमका रूपमा नै प्रतिस्पर्धामा उत्रिनेछन्।
नेपाल खबरबाट ।

Leave a Reply

Your email address will not be published. Required fields are marked *

*

Social Media Auto Publish Powered By : XYZScripts.com

Watch Dragon ball super